श्रीमतीको सम्झनामा खुल्ने भो कुकुर अस्पताल

 एउटा भारतीय अनलाइनका अनुसार भारतीय राज्य पश्चिम बंगालका शिक्षामन्त्री पर्थ चटर्जीले आफ्नो श्रीमतीको सम्झनामा कुकुरका लागि अस्पताल बनाउने घोषणा गरेका छन् । गत बर्ष मन्त्री चटर्जीको श्रीमतीको निधन भएको थियो । मन्त्रीको श्रीमतीलाई कुकुर एकदमै मन पर्दथ्यो । यसैकारण श्रीमतीको बब्लीको नाममा नै बब्ली चटर्जी मेमोरियल पेट हस्पिटल नाम राखिने भएको छ । यहाँ पाल्तु जनावरको उपचारका लागि हरेक किसिमको सुविधा उपलब्ध हुने भएको छ । अहिले पनि मन्त्रीको घरमा करीब ६ वटा कुकुर छन् जसको हेरचाह आमाको मृत्युभएपछि विदेशबाट आएकी मन्त्रीकी छोरीले गरिरहेकी छिन् । दक्षिण कोलकाताको बाघाजतिन रेल्वे स्टेशन नजिक १७ एकड जमिनमा उक्त ट्रस्ट निर्माण हुनेछ ।