काठमाडौं, बैशाख २४ \\ “क्रिश्चियन बन्नेभए जागिर पक्का” भन्दै सोझा-सिधालाइ प्रलोभनमा पारी धर्म परिवर्तन गराउने तीनजना महिलालाई प्रहरीले पक्राउ गरेको छ।
भरतपुर महानगरपालिका-१६ की फूलदेवी भट्टराई, नागार्जुनकी सुमित्रा गौली र कलङ्कीकी राधिका महर्जनलाइ प्रहरीले पक्डेको हो।
उनीहरुले भरतपुर नगरपालिका-२७ की ३८ वर्षीय लक्ष्मी भट्टराईलाई “क्रिश्चियन बनेपछि जागिर पक्का” भन्दै प्रलोभनमा पारी सीतापाइलास्थित चर्चमा लगेर धर्म परिवर्तन गराएको भनि लक्ष्मी भट्टराईले दिएको उजुरीका आधारमा यी तीन महिलालाई पक्राउ गरिएको हो।
मुलुकी ऐनअनुसार धर्म परिवर्तन गर्न लगाए वा गराएमा ३ वर्षसम्म जेल सजाय हुनसक्ने छ।
