काठमाडौं । गोरखाको बारपाकमा एकै परिवारका ३ जना मृत फेला परेका छन् ।
सुलिकोट गाउँपालिका–१, बारपाकका तीलबहादुर गुरुङसहित उनकी बुहारी आइतकुमारी गुरुङ र नातिनी १२ वर्षीया उषा घरभित्र मृत फेला परेका हुन् ।
सोमबार बिहान अबेरसम्म ढोका नखुलेपछि छिमेकीहरुले ढोका खोलेर हेरेका थिए । घरभित्र तीन जना मृत भेटिएपछि उनीहरूले प्रहरीलाई खबर गरेका थिए ।
जिल्ला प्रहरी कार्यालय, गोरखाका अनुसार मुखबाट फिज निस्केको अवस्थामा तीनैजनाको शव फेला परेको छ ।
घटनाको कारण अहिलेसम्म खुलेको छैन । यसबारे थप अनुसन्धान भइरहेको प्रहरीले जनाएको छ ।
