याओंडे, ५ फागुन : क्यामरुनको एक निजी कलेजका १ सय भन्दा बढी विद्यार्थी र शिक्षकहरु अपहरणमा परेका छन् ।
यसअघि प्रशासनले पश्चिमोत्तर इलाकामा शनिबार ११ विद्यार्थीहरु र ३ शिक्षकलाई अपहरण गरिएको बताएको थियो । तर कलेजको एक वरिष्ठ प्रशासकले भने, विस्तृत जाँचबुझपछि १ सय भन्दा बढी विद्यार्थीहरु र शिक्षकहरुलाई अपहरण गरिएको छ ।
अपहरणमा पर्नेहरुमा शिक्षकभन्दा धेरै विद्यार्थीहरु रहेका छन् । वास्तवमा कलेजमा रहेका सबै विद्यार्थी र शिक्षक अपहरणमा परेका हुन् । हामीलाई थाहा छैन, उनीहरु कहाँ छन् । अब हामी अपहरणकर्ताको फोन कुरेर बसेका छौं । उनले भने ।
सशस्त्र अलगवादी नोबेम्बर २०१७ देखि क्यामरुनको पश्चिमोत्तर र दक्षिणपश्चिमका अंग्रेजी बोल्ने दुई क्षेत्रबीच स्वतन्त्रताका लागि सरकारी पक्षसँग संघर्ष गरिरहेका छन् । अलगाववादिहरुले त्यस क्षेत्रका शैक्षिक क्षेत्र बन्द गर्न दबाब दिइरहेका थिए । (एजेन्सी)
