महोत्तरी । गणतन्त्र विरोधीहरुले ७ गते राखेको कार्यक्रम भ्रमपुर्ण भएको माओवादी केन्द्रका केन्द्रीय सचिव लीलामणि पोखरेलले वताएका छन ।
देश कंगाल बनाएकाहरुले पैसा देखाएर मान्छे बटुल्ने काम मात्र भएको नेता पोखरेलको भनाइ छ । `नेपालको राजनिती प्रणाली र मौलिकतामा हस्तक्षेप गर्ने खोज्नेहरुले लगानी गरेको पनि हामीले सुनेका छौ ।´ सचिव पोखरेलले भने । `यो उनिहरुको दिवा सपना मात्र हो ।´ नेपालमा गणतन्त्रको विरोध गर्न भारतीय वीजेपीका नेताहरुले समेत चलखेल गरेको उनले खुलासा गरे ।
विजेपीका नेताहरुले नेपालको आन्तरिक मामलामा हस्तक्षेप गरेको ठोकुवा गर्दै नेपाली जनताहरु यसतर्फ गम्भीर बन्नुपर्ने नेता पोखरेलको धारणा छ ।
राजनीति परिवर्तन गरी विकास गर्ने भन्ने आफैँमा भ्रमपुर्ण भएको र २३८ बर्ष सम्म नेपाली जनतालाई ठगेर थुपारेको पैसाले अहिले चलखेल गर्न खोजेको उनको आरोप छ ।
