रोजगार खोसिएको भन्दै भन्सार एजेन्ट प्रतिनिधि संघ नेपालले भन्सार विभाग अगाडि धर्नालाई निरन्तरता दिएको छ । बुधवार पनि त्रिपुरेश्वरस्थित भन्सार विभाग अगाडि संशोधित भन्सार ऐन २०६४ र नियमावली ०६४ ले भन्सार प्रतिनिधिले काम गर्न गरेको व्यवस्था नै खारेज गरेको भन्दै धर्नालाई निरन्तरता दिएका हुन् । भन्सार एजेन्ट प्रतिनिधि संघका प्रतिनिधिहरुले भन्सार एजेन्ट प्रतिनिधिहरुलाई राज्यले उचित व्यव्स्थापन गर्नुपर्नेमा उल्टो व्यवस्था खारेज गरेको भन्दै धर्नालाई निरन्तरता दिइरहेका छन् ।
उनीहरुले देशभर कार्यरत ३०० भन्दा बढी भन्सार प्रतिनिधिहरु जेठ १५ गतेबाट बेरोजगार भएको भन्दै भन्सार प्रतिनिधिले काम गर्न गरेको व्यवस्था कायम गर्न माग गर्दै आएका छन् । अहिले पनि धर्नामा ‘हाम्रो रोजगारीको सुनिश्चित गर, संविधान प्रदत्त अधिकार कायम गर्, हान्यो वाण प्रतिनिधि जत्थामा– अन्धो सरकार बस्या छ सत्तामा, विभेदकारी ऐन संशोधन गर्’ भन्ने नारा लेखेको प्लेकार्ड बोकेर प्रदर्शन गरेका छन्।
