राम राम राम , हरी हरी हरी के के सुन्नु पर्छ ! तेस्का बाजे ! बन्ला त मुलुक ? हाल्यौ पुस्तालाई २०० बर्ष खाल्डामा ?
एसएलसीको केन्द्राध्यक्षमा राजनीतिक भागवण्डा !
वैद्य माओवादीले समेत दुईवटा केन्द्राध्यक्ष पायो !
सुन्दैमा अचम्म लाग्न सक्छ ! अदालतका न्यायाधीश, सम्वैधानिक निकायहरु, विश्वबिद्यालयका पदाधिकारीहरु, विकास समितिका प्रमुख र सदस्यहरु, संस्थानका प्रमुखहरुलाइ मात्रै दलीय भागवण्डा गरी पार्टीका झोलेहरु नियुक्त गर्नेगर्थे। तर, मोरङ जिल्लामा एसएलसीको केन्द्राध्यक्षहरु समेत् पार्टीगत भागवण्डा गरी नियुक्त गर्न पार्टीगत भागवण्डा मिलाउन बुधबार बिहानसम्म विवाद जारी रह्यो ।
बिहीबारदेखि शुरु हुने एसएलसी परीक्षाका लागि केन्द्राध्यक्षको भागवण्डा अन्तिम चरणमा आएर बुधबार बिहानमात्रै जिल्ला शिक्षा कार्यालयमा बसेको ‘सर्वदलीय’ बैठकले टुङ्गो लगाएको छ ।
दलीय भागवण्डा मिलेपछि वैद्य माओवादीले समेत एएसएलसीका लागि दुईजना केन्द्राध्यक्ष पाएको छ भने साना पार्टीले एक/एकजना केन्द्राध्यक्ष पाउने भएका छन् ।
-Dr.Binod Neupane
