काठमाडौं । विद्रोहमार्फत पुनः सत्तामा फर्किएको तालिवानसँग भारतले वार्ता गरेको छ । वार्ता दुई देशका प्रतिनिधिबीच कतारमा भएको हो ।
भारतीय विदेश मन्त्रालयले कतारका लागि भारतीय राजदूत दीपक मित्तलले तालिवानको कतारस्थित राजनीतिक कार्यालय पुगेर प्रमुख शेर मोहम्मद अब्बास स्टानिकज़ईसँग भेट गरेको जनाएको छ ।
भारतीय विदेश मन्त्रालयले एक विज्ञप्ति जारी गर्दैै अफगानिस्तानमा रहेका आफ्नो देशका नागरिकको सुरक्षालाई लिएर वार्ता गरेको जनाएको छ ।
अफगानिस्तान जान भारतले प्रतिबन्ध लगाए पनि अवैध बाटो हुँदै उसका नागरिकहरू त्यहाँ पुगेका छन् ।
