विवाह बन्धनमा बाँधिनु भनेको जीवनभरको साथी रोज्नु हो । त्यसैले हरेक जातजाति, धर्म एवं परम्परा अनुसार विवाहका अनेक रीतिरिवाज र प्रक्रियामा सम्पन्न हुने गरेका हुन्छन् । अधिकाशंले आफ्नो विवाह शानदार तरिकाले होस् भन्ने चाहना राख्ने गर्दछन् । तर, एउटा जोडीले आफ्नो विवाह भने बाथरुममा गर्न बाध्य भए । यो विवशताको विवाह अहिले सामाजिक सञ्जालमा भाइरल बनेको छ ।
ब्रायन र मारिया नाम गरेका यी जोडीको विवाहले अहिले चर्चा पाएको छ किनकि यी जोडीको वैवाहिक कार्यक्रम बाथरुममा सम्पन्न भएको छ । वास्तवमा ब्रायन र मारिया विवाहका लागि अदालतको कोर्टमा पुगेका थिए । यसै क्रममा दुलहाकी आमा अचानक बाथरुममा गइन । त्यहाँ उनलाई अस्थमा(दम)ले सताएपछि त्यहीं नै अक्सिजन दिनु प¥यो । उनको शरीर निलो भइसकेको थियो । उनलाई तत्काल अस्पताल लैजान पनि सम्भव थिएन । यदि उक्त समयमा विवाह रोकिएको भए विवाहको लाइसेन्सका लागि त्यो जोडीले अरु ४५ दिनसम्म पर्खिनु पर्ने थियो । यही कुरालाई मध्यनजर गर्दै ती जोडीले अदालतकै बाथरुममा विवाह सम्पन्न गर्ने निर्णय गरे ।
