काठमाडौं, १८ पुस । भर्खरै कोल्हापुर, महाराष्ट्रमा सतेज कृषि प्रदर्शनी आयोजना गरिएको थियो, जसमा यो गब्बर नामक घोडा पनि समावेश भएको थियो । कोल्हापुरका अमोल भास्करको यो घोडा जवाहरनगर क्षेत्रमा छ ।
अमोल भास्करले यो घोडा सानै छँदा १८ लाखमा किनेका थिए । उनले पुष्कर मेलाबाट शौखका लागि किनेका थिए । उनले यो घोडाको बारेमा थप जानकारी पनि दिए। यो घोडा मारवाडी नस्लको हो र करिब २८ लाख नेपाली रुपैयाँ बराबरमा खरिद गरिएको हो । भास्करलाई घोडा पाल्ने मन छ, त्यसैले उनले यो घोडा किनेका हुन् । यो घोडा कोल्हापुर सहरको एक मात्र घोडा हो र जिल्लामा औंलामा गन्न लायकका यी जातका घोडा छन् ।
हाल यो घोडा चार वर्षको भइसकेको छ । यसको मेडिकल चेकअपका लागि पुणेबाट टोलीहरू आउँछन्। भास्करका अनुसार यो घोडाको औसत मासिक खर्च ४० हजार भारतीय रुपैयाँ रहेको छ ।
गब्बरको आहार
गब्बरको डाइट पनि विशेष छ । उनलाई हरेक दिन दस लिटर ताजा दूध, चना, उमालेको साबु र कुटी दिइन्छ। खानामा मात्रै मासिक औसत ३५ देखि ४० हजार रुपैयाँसम्म खर्च हुने गरेको छ । केही दिनअघि गब्बरलाई बेच्न ५८ लाख (नेपाली रुपैयाँ ९२ लाख ८ हजार) को अफर आएको थियो । तर, भास्करले त्यसलाई अस्वीकार गरेका छन् । यसबारे घोडाका मालिक सुनिल चौगुलेले जानकारी दिएका छन ।
९८ लाखको अफर
केही दिनअघि अमोल भास्करलाई यो घोडाका लागि पुणेबाट ५८ लाख (नेपाली ९८ लाख ) रुपैयाँको अफर आएको थियो । तर, भास्करले यो प्रस्ताव अस्वीकार गरेका थिए । यो घोडा भास्करलाई धेरै प्यारो छ, त्यसैले उनले पैसालाई महत्व दिएनन्। यो घोडाको खानामा मात्रै मासिक ४० हजार भारतीय रुपैयाँ खर्च भइरहेको छ तर पनि उनको लागि यो घोडा निकै विशेष छ ।
प्रदर्शनीमा गब्बरको छुट्टै चर्चा
यस प्रदर्शनीमा विभिन्न किसिमका जनावर र घोडा राखिएको थियो तर कोल्हापुरको गब्बर नामको घोडाको चर्चा फरक थियो । उनको आकर्षक रुपका कारण गब्बरलाई हेर्न कोल्हापुर, सांगली, सतारा, बैंगलोर, कर्नाटक लगायतका ठाउँका किसानहरु ठूलो संख्यामा आएका थिए ।
