हाम्रो सौर्यमण्डलमा कुल ८ ग्रह छन् । प्लुटोलाई ग्रहबाट हटाइएपछि सौर्यमण्डलमा कुल ग्रहको संख्या ८ वटा । यी ग्रहहरु एकआपसमा एकदमै भिन्न र विविधतायुक्त छन् । आठवटा ग्रहमध्ये एक हो अरुण । अरुण ग्रह आफ्नो अक्षमा ९८ डिग्रीले झुकेको छ । त्यसैकारण पनि यो ग्रहमा अत्याधिक चिसो र असामान्य मौसम हुने गर्दछ । यस ग्रहमा ४२ वर्ष रात र ४२ वर्ष दिने हुने गर्दछ । यसको अर्बिटल पिरियड ८४ वर्ष छ ।
अरुण ग्रहको झुकावका कारण यस ग्रहको एउटा धु्रव ४२ वर्षसम्म अन्धकारमा रहने गर्दछ । अरुणको न्यूनतम तापक्रम माइनस २२४ डिग्री सेल्सियस रहेको छ । सूर्यभन्दा अधिक टाढा रहेका कारण अरुण ग्रहमा सूर्यको घाम पुग्न २ घण्टा ४० मिनेट लाग्ने गर्दछ । पृथ्वीमा सुर्यको किरण आइपुग्न जम्मा ८ मिनेट २० सेकेण्ड लाग्ने गर्दछ ।
