काठमाडौं । पछिल्लो २४ घण्टामा देशभर थप १ हजार ४ सय ९७ जनामा कोरोना भाइरस संक्रमण पुष्टि भएको छ । यसमध्ये आधाभन्दा बढी काठमाडौं उपत्यकाका छन् ।
११ हजार ४४९ जनाको पीसीआर विधिबाट कोरोना परीक्षण गर्दा १ हजार ४ सय ९७ जनाको रिपोर्ट पोजेटिभ आएको स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले जानकारी दिए ।
मन्त्रालयका अनुसार, उपत्यकामा ७५५ जना कोरोना भाइरस संक्रमित भेटिएका छन् । काठमाडौं जिल्लामा ६०९, ललितपुरमा ९५ र भक्तपुरमा ५१ जना संक्रमित भेटिएका हुन् ।
बिहीबारसम्म ५० हजार ४११ जना कोरोनामुक्त भएका छन् ।
