चितवन, फागुन १२ \\ मन्त्रिमण्डल बिस्तार फागुन १४ गते सोमबार मात्र हुने भएको छ।
आज शनिबार प्रेस चौतारी नेपाल र प्रेस सेन्टरले चितवनमा आयोजना गरेको पत्रकार सम्मेलनमा माओवादी केन्द्रका अध्यक्ष प्रचण्डले सोमबार मन्त्रीमण्डल बिस्तार हुने बताए।
“भोलि बेलुकासम्म नाम पनि फाइनल हुन्छ। पर्सी फागुन १४ गते सोमबार ३ बजे सपथ हुन्छ”, प्रचण्डले भने ।
एमाले स्थायी कमिटीको बैठकले मन्त्री चयन गर्ने जिम्मेवारी प्रधानमन्त्री तथा पार्टी अध्यक्ष केपी शर्मा ओलीलाई दिएको छ ।
माओवादी केन्द्रको केन्द्रीय कार्यालयको फागुन १० गते बिहीबारको बैठकले मन्त्रिमण्डलमा सहभागी हुने सदस्यको नामावली चयन गर्न अध्यक्ष प्रचण्ड तथा नेताद्वय नारायणकाजी श्रेष्ठ र रामबहादुर थापालाई जिम्मेवारी दिएको छ।
