काठमाडाैं । माओवादी केन्द्रका अध्यक्ष पुष्पकमल दाहाल प्रचण्ड उपसभामुख इन्दिरा रानाको विषयमा मौन बस्ने नीति लिएको छ ।
पदीय दुरुपयोग गरेर अमेरिका पठाउन केही व्यक्तिलाई पत्र लेखेपछि विवादमा तानिएकी रानालाई कांग्रेस एमाले कारबाही गर्ने मुडमा देखिएका छन् । रानालाई उक्त पदबाट हटाउने खेलमा सक्रिय भएका कारण माओवादी त्यही खेललाई रणनीतिमा बदल्ने प्रयासमा देखिएको छ ।
(याे लिंक पनि पढाैं)
|
उपसभामुख इन्दिरा रानालाई हटाउने विषय, देउवाकाे दाँतमा ढुंगा !! |
रानाको पक्षमा उभिएर माओवादीले सत्ता गठबन्धनको भोलिको सत्ता खेलमा रास्वपालाई साथ लिने रणनीति लिएको देखिन्छ ।
त्यसका साथै प्रचण्डले सत्ता गठबन्धनलाई बार्गेनिङ गर्ने खेल बनाइरहेका छन् । संवैधानिक निकायमा नियुक्ति तथा अन्य राजनीतिक नियुक्तिमा भाग खोज्नका लागि रानाको पक्षमा उभिन खोजेको सन्देश दिने प्रयास गरेका छन् ।
त्यसैले, माओवादी नेताहरुले रानाका पक्षमा खुलेर बोलिरहेका छन् तर प्रचण्ड भने संवैधानिक परिषद्को बैठकमा सहभागी भएर संवैधानिक नियुक्तिका लागि छलफल गर्न गइरहेका छन् । यस कारण, प्रचण्डले रानालाई रणनीतिक टुल्सको रुपमा प्रयोग गर्ने संभावना रहेको पनि विश्लेषण भइरहेको छ ।
संवैधानिक परिषद्का बैठक बस्दैछ । आज २०८१ भदाै २८ गते शुक्रवार बस्ने बैठकले आजै भावी प्रधान न्यायाधीश सिफारिश गर्ने संभावना छ ।
