काठमाडाैं । एकीकृत समाजवादी (एस) पदाधिकारी चयनमा जस्तो प्रक्रिया अपनाईयो, त्यसले थप असन्तुष्टि बढाएको छ । केही चर्चित र संगठनमा पकड भएका नेताहरु पराजित भएर असन्तुुष्ट मात्र भएनन्, साे पार्टी छोड्नेसम्मको अवस्थामा पुगेकाे संकेत पाइएकाे छ । केही नेताहरुलाई रोजीरोजी हराएपछि त्यस्तो अवस्था आएको हो ।
सांसद मध्ये प्रेम आले केन्द्रीय सदस्य नभएका कारण उनी अनुुपस्थित थिए र किसान श्रेष्ठ र धनबहादुर बुढाको अनुपस्थिति भने आश्चर्यको रुपमा हेरिएको छ ।
चर्चित नेतृ उपाध्यक्षमा रामकुमारी झांक्री, सचिवका उम्मेदवार दीर्घ सोडारी, नरेश शाही, जीवनराम श्रेष्ठदेखि धनराज आचार्यसम्म संगठकहरूलाई माधव नेपाल गुटले हराएपछि असन्तुष्टि बढेको हो ।
अध्यक्ष माधव नेपाल पक्षले उनीहरुलाई पराजित गर्न सूची नै बनाएर केन्द्रीय सदस्यलाई वितरण गरेकाे आराेप छ । महासचिव घनश्याम भुसालको समूहका नेताहरुलाई छानीछानी हराइएको चर्चा छ ।
माधव नेपालले नचाहेको व्यक्तिमध्ये ५ जना उम्मेदवार निर्वाचित भएका छन् । धर्मनाथ साह, गरिमा शाह, बलदेव चौधरीलगायतका नेताहरु माधव नेपालले हराउन चाहेर पनि नसकेका उम्मेदवार भएको एस स्रोतको दावी छ ।
एसका तीन जना सांसदहरु नै मतदानमा देखिएनन् । त्यसलाई आश्चार्यको रुपमा हेरिएको छ । सांसद मध्ये प्रेम आले केन्द्रीय सदस्य नभएका कारण उनी अनुुपस्थित थिए र किसान श्रेष्ठ र धनबहादुर बुढाको अनुपस्थिति भने आश्चर्यको रुपमा हेरिएको छ । तर, यही समूहका रहेका सांसदहरु भानुभक्त जोशी र शेरबहादुर कुँवरले पदाधिकारीमा निर्वाचित भएका छन् । त्यसले सांसदहरुको एउटा समूहलाई विभाजित गर्ने माधव नेपालको रणनीति रहेको बताइन्छ ।
