वीरगञ्ज पर्सा, : नेकपा (एमाले) पर्सा जिल्लाको अध्यक्षसहित पाँच पदाधिकारीको टुङ्गो लागेको छ । अध्यक्ष पदमा अध्यक्षमा डा विश्वम्भर शर्मा यसअघि नै निर्विरोध चयन हुनुभएको थियो । तर, उपाध्यक्षसहित अन्य चार पदाधिकारीको टुङ्गो २०८१ वैशाख २३ गते बेलुकीपख मात्रै लागेको हो ।
प्रमुख निर्वाचन अधिकृत भोजराज ढकालले चार पदाधिकारीको टुङ्गो वैशाख २३ गते लागेको बताउनुभयो । नेकपा एमाले पर्सा जिल्लाको उपाध्यक्ष पदमा मनोज गुप्ता विजयी हुनुभएको छ । गुप्तासँग लालबाबु शेख प्रतिस्पर्धी हुनुहुन्थ्यो ।
सचिव पदमा महेशदास विजयी हुनुभएको छ । सचिव पदमा अर्का उम्मेदवार नवराज शर्माले प्रतिस्पर्धा गर्नुभएको थियो । सहसचिवमा नविजान अन्सारी, महिला सहसचिवमा सीता लामा विजयी हुनुभएको छ ।
त्यसैगरी लेखा अध्यक्षमा शिवजी गुप्ता विजयी हुनुुभएको छ । नेकपा एमाले पर्सा जिल्लाको पाँच पदाधिकारीसहित एक सय २७ सदस्यको लागि निर्वाचन भएको हो ।
एमालेको नवौँ जिल्ला अधिवेशन वैशाख १७ गते सोमबार उद्घाटनसत्र भएको थियो । अधिवेशनको मङ्गलबार बन्दसत्र सकिएसँगै निर्वाचन प्रक्रिया अघि बढेको थियो । आन्तरिक विवादको कारणले निर्वाचन प्रक्रिया केही दिन लम्बिएको थियो ।
2025-03-12-11-03-53-800x533.jpeg)
