अब्राहम लिंकन आफ्ना साथीहरूप्रति जति विनम्र एवं मधुर थिए, शत्रुप्रति पनि त्यति नै उदार र सहृदय थिए । कैयौं पटक आफ्ना विरोधीहरूलाई उनी मित्रहरू जस्तै गरेर घरमा बोलाउँथे, उनीहरूसँग कुराकानी गर्दथे र अति स्नेह भाव देखाउँथे ।
लिंकनको यस्तो नीति र व्यवहार उनका केही मित्रलाई मन पर्दैनथ्यो । एकपटक एकजना साथीले लिंकनलाई भने– ‘तपाईं आफ्ना शत्रुहरूसँग मित्रको जस्तो व्यवहार किन गर्नुहुन्छ । उनीहरूलाई त खत्तम गर्नुपर्छ ।’ यसबारेमा लिंकनले जवाफ दिए– ‘म त तिमीले भनेकै कुरामा हिँडिरहेको छु । र शत्रुलाई खत्तम गर्न लागिरहेको छु । अँ, तिमी उनीहरूको ज्यान लिने कुरा सोच्दछौं म उनीहरूलाई मित्र बनाउन चाहन्छु ।’
