काठमाडौं । चीनको बेइजिङमा मङ्सिर २४ गते आइतबार साँझदेखि परेको हिमपातका कारण सडक, रेल र हवाई यातायात अवरुद्ध भएको छ ।
मङ्सिर २४ गते आइतवार साँझ ७ बजेदेखि सोमवार बिहान ८ बजेसम्म बेइजिङमा औसत ५ दशमलव ८ मिलिमिटर हिमवर्षा भएको छ ।
बेइजिङ मौसम विज्ञान सेवाले उपलब्ध गराएको तथ्यांक अनुसार सबैभन्दा ठूलो वर्षा फाङ्सान जिल्लामा १०.२ मिलिमिटर पुगेको थियो ।
मङ्सिर २५ सोमबार बिहान ७ बजेसम्म बेइजिङका १८० भन्दा बढी बस रुटहरू बन्द भएका थिए ।
सहरले हिउँ सफा गर्न करिब ६३,००० कामदारको व्यवस्था गरेको छ र हिउँ हटाउने र सडकको बरफ हटाउन ६,६०० भन्दा बढी सवारी साधन र अन्य उपकरण लगाएको जनाएको छ ।
