वैदेशिक रोजगारीका लागि युरोपेली मुलुक राम्रो मानिन्छ । नेपालको न्यूनतम कमाईले बाँच्न समेत कठिनाई भएपछि चर्को ब्याजमा ऋण खोजेर पैसा लगाएर भएपनि युरोपेली मुलुक छिर्न निर्णयमा पुगियो । यही सिलसिलामा हामीले दोलाखाका म्यान पावर एजेन्ट दावा लामालाई भेटेका थियौं जसले हामीलाई राम्रो कामका लागि पोल्याण्ड पठाईदिन्छु भनेर लाखौ रुपैयाँ लियो ।
यही लालसा बोकेर पोल्याण्ड जानका लागि त्यस दलाललाई पैसा पनि बुझायौं । तर, हामी यी ठगको चंगुलमा फसेका छौं । पोल्याण्ड पठाउँछु भन्दै पैसा लिएपछि दावा लामा नाम गरेका ती दलाल हामी १४ जना युवाको पासपोर्ट र पैसा लिएर बेपत्ता भएको थियो । लामाले पैसा लिइसकेपछि आजआज भोलिभोलि भन्दै झुलाउँदै आएको थियो । केही समय त मोबाइल नै बन्द गरेर वेपत्ता भयो ।
हाम्रँे पैसा खाएर बेपत्ता हुने दावा लामाको धेरै खोजतलास पछि बल्लतल्ल लामालाई दोहोरी साँझमा भेट्न सफल भयौं । यो के गरेको, हामीलाई पोल्याण्ड नपठाउने भए पैसा फिर्ता देउ भन्दा उल्टो हामीलाई नै धम्क्याएको र दादागिरी देखाएर धम्की समेत दियो । उल्टो मोबाइलमा हाम्रो तस्विर खिच्दै हामीमाथि दादागिरी देखाएर जाइलागे ।
श्रीमान र श्रीमती दुवैका अगाडि समझदारी भएर पैसा लिएपनि लामाकी श्रीमती पनि बेला बेलामा श्रीमान कहाँ छन् थाहा छैन, वियर लिएर भेट्न आउ भन्ने गरेकी थिइन् । दावा लामालाई भेट्दा हामीसँग कुरा गर्न र सल्लाह गर्न पनि मानेनन् । केवल चेक काटिदिन्छु, यो गरिदिन्छु भनि अनेक बहाना बनाउने र धम्क्याएर हाम्रँे पैसा पचाउने नियतले आलटाल गरेर दुःख दिनु दिए ।
हामीले उनीसँग भएको भेटको लाइभ भिडियोसमेत सामाजिक सञ्जालमा हालेका थियौं । यसरी वैदेशिक रोजगारीको नाममा ठगी गर्दै हिंड्ने दावा लामालाई सरकारले तत्काल कारवाही गरोस् । सरकारले यी ठगबाट हाम्रो पैसा फिर्ता गराइदियोस् भन्ने बिन्ती गर्दछौं ।
– दावा लामाबाट पीडितहरू
