मुम्बई । सुदिप्तो सेनद्वारा निर्देशित फिल्म ‘द केरल स्टोरी’ अहिले बलिउडमा चर्चाको विषय बनेको छ । फिल्मले केरलामा युवतीहरुले धर्म परिवर्तन गरेको विषयलाई उठान गरिएको छ । अहिले यो फिल्मका क्रु सदस्यलाई ज्यानको धम्की आउन थालेको छ ।
निर्देशक सुदिप्तोका अनुसार एक अज्ञात व्यक्तिले फिल्मको एक सदस्यलाई ज्यानको धम्की दिएका छन् । ती व्यक्तिले फिल्मका सदस्यलाई घर बाहिर एक्लै नहिँड्न धम्की दिएका हुन् । निर्देशकले धम्की दिनेले एक्लै हिँडेको अवस्थामा जुनसुकै बेला जे पनि हुने बताएको जनाएका छन् ।
सुदिप्तोले घटनाबारे प्रहरीलाई जानकारी दिएपछि प्रहरीले ती सदस्यलाई सुरक्षा प्रदान गरेको छ । यद्यपि यो मामलामा हालसम्म कसैले उजुरी दिएको छैन ।
फिल्ममा अदा शर्मा, योगिता बिहानी, सिद्धि इदनानी र सोनिया बालानीको अभिनय छ । फिल्मले बक्सअफिसमा राम्रो व्यापार गरिरहेको छ ।
