काठमाडौं, १७ बैशाख । पुष्पकमल दाहाल प्रचण्ड नेतृत्वको सरकारले भ्रष्टचारीलाई कारबाही गर्ने बुँदा न्यूनतम नीति तथा कार्यक्रमवाट हटाएको खुलासा भएको छ ।
नेकपा एमालेसहितको समर्थन रहेको बेला उल्लेख भएको भ्रष्टाचारीलाई कारबाही गर्ने बुँदा नेपाली कांग्रेस सरकारमा आए पछि हटाएको खुलेकाे भन्दै राष्ट्रिय स्वतन्त्र पार्टीले समर्थन फिर्ता लिने सम्भावना बढेको छ ।
सो बारेमा निर्णय लिनका लागि रास्वपाले २०८० वैशाख १८ गते सोमवार केन्द्रीय तथा संसदीय दलको बैठक बोलाएको छ ।
‘सरकारले न्यूनतम् साझा कार्यक्रममा भ्रष्टाचारसम्बन्धी विषय हटाएकाले हाम्रो गम्भीर आपत्ति छ । मतदाताले केही थान मान्छेलाई संसदमा पठाएको होइन । एजेन्डासहित पठाएको हो ।
अझ निर्मम हुनुपर्ने विषयलाई भएको कुरालाई पनि हटाएकोमा हाम्रो गम्भीर आपत्ति छ । त्यसैले यसमा गम्भीर समीक्षा गरेर मात्र अगाडि बढ्छौँ,’ २०८० वैशाख १५ गते शुक्रवार शपथ पछि रवि लामिछानेले भनेका थिए ।
यसैगरी, २०८० वैशाख १८ गते सोमवार बस्ने संसदीय दलको बैठकले सभापति लामिछानेलाई दलको नेता चयन गर्दैछ, त्यसका लागि संसदीय दलका नेता डोलप्रसाद अर्यालले राजीनामा दिईसकेका छन् ।
