संसारमै भीभीआईपी सुरक्षा पाउने भाग्यमानी रुख हो बोधिवृक्ष । छिमेकी मुलुक भारतको मध्येप्रदेशस्थित रायसिन जिल्लामा अवस्थित यस बोधिवृक्षलाई श्रीलंकाका तत्कालीन राष्ट्रपति महिन्दा राजापाक्षेले लगाएका हुन् । बुद्ध धर्ममा एकदमै पवित्र र महत्वपूर्ण मानिने यस वृक्षको देखरेख र सुरक्षा हुनु अनिवार्य मानिन्छ ।
एकदमै महत्वपूर्ण मानिने यस वृक्षको सुरक्षाको निम्ति यसको वरिपरि १५ फिटसम्म तारबार घेरिएको छ । साथै, यसको देखभालको लागि २४ घण्टा नै सुरक्षा गार्ड खटाइएको छ । सांची नगरपालिका, प्रहरी, राजस्व र वन विभागले सुरक्षाका लागि यसमाथि कडा निगरानी राखिरहेको छ ।
रुखबाट पात झर्नासाथ पनि बोटानिकल अधिकारीहरु उपस्थित हुने गर्छन् । साथसाथै, हरेक १५ दिनमा रुखको मेडिकल परीक्षण पनि गर्ने गरिन्छ ।
