ईरानको जित, मोरक्को मरे तुल्य

काठमाडौं, १ असार : विश्वकप फुटबलमा इरानले मोरक्कोमाथि जित हासिल गर्दै रुस विश्वकपमा विजयी सुरुवात गरेको छ । इरान १–० ले विजयी भयो । इरानलाई जिताउन इन्जुरी समयमा मोरक्कोका अजिज बौहाडोउजले आत्मघाती गोल गरे । यो गोलले सिंगो मोरक्को मरेतुल्य भएको छ । यो हारले मोरक्कोको प्रिक्वार्टरफाइनल प्रवेशको झिनो सम्भावना पहिलो खेलबाटै लगभग सकिएको छ । खेलमा अधिकांश बल नियन्त्रण मोरक्कोले लिए पनि जित भने इरानको भएको हो । यो समूहमा उपाधिकै दावेदार पोर्चुगल र स्पेन रहेका छन् ।