जापान । पछिल्लो समय अध्ययन तथा रोजगारीका लागि विदेसिने क्रम निकै बढेको छ । अध्ययन र रोजगारीको लागि रोजाईको मुलुक बनेको जापानमा ज्यान गुमाउने नेपालीको संख्या पनि बढ्दै गइरहेको पछिल्लो तथ्यांकले देखाउँछ ।
जापानको फुकुओकामा विगत ३ वर्षदेखि जापानमा बस्दै आइरहेका गुल्मीका एक २० वर्षीय युवकले २०७९ माघ ८ गते (जनवरी २२, २०२३) आत्महत्या गरेका छन् । विवाह गरेका डेढ वर्ष नबित्दै जापानमा मृत्युको रोजेका मगरले किन यस्तो गरे भन्ने अझै खुलेको छैन । मगरको शव पोष्टमार्टमा लागि प्रहरीले नियन्त्रणमा राखेको छ । घटनाबारे जापानको नेपाली दूतावास र परिवारलाई जानकारी गराइएको छ ।
सन् २०२३ को तेस्रो साता नसकिँदै जापानमा ५ नेपालीले आफ्नो ज्यान गुमाएका हुन् ।
