काठमाडौँ, ७ चैत (रासस) : प्रधानमन्त्री केपी शर्मा ओलीले यही चैत ४ मा मन्त्रीहरुको समेत उपस्थितिमा नेपाल सरकारका सचिव र विशिष्ट श्रेणीका कर्मचारीलाई दिएको ५२ बुँदे निर्देशन पालनाका लागि प्रधानमन्त्री तथा मन्त्रिपरिषद्को कार्यालयले आवश्यक कार्य शुरु गरेको छ ।
‘समृद्ध नेपाल, सुखी नेपाली’ को मर्मसहितको उक्त निर्देशनलाई लिपिबद्ध गरी आज सार्वजनिक गर्दै सम्पूर्ण राष्ट्रसेवकले अक्षरशः पालना गर्र्न/गराउन नेपाल सरकारका मुख्यसचिवले प्रतिबद्धता व्यक्त गरेको सो कार्यालयका प्रवक्ता विनोदबहादुर कुँवरले जारी गरेको विज्ञप्तिमा जनाइएको छ ।
–––
