इराकको राजधानी बग्दादमा बम विस्फोट हुँदा कम्तीको २५ जनाको मृत्यु भएको छ । दर्जनौं घाइते छन् ।
उत्तरी साड सहरमा विस्फोट भएको हो । मुस्लिम पर्व इदको तयारीमा सर्वसाधारण लागिपरेका बेला विस्फोट भएको बीबीसीले जनाएको छ । मारिनेमा महिला र बालबालिकासमेत छन् ।
विस्फोटको जिम्मेवारी इस्लामिक स्टेट (आईएस) ले लिएको छ ।
इराकमा पछिल्लो ६ महिनामा भएको यो सबैभन्दा घातक विस्फोट हो । गत अप्रिलमा कार बम हमलामा चार जनाको मृत्यु भएको थियो ।
