बूढानीलकण्ठमा कोरोना : १०१ निको भए, अहिलेसम्म २१ जनाकाे मृत्यू

काठमाडौं । बूढानीलकण्ठ नगरपालिकामा कोरोना संक्रमण दर उल्लेख्य रूपमा कमी आएको छ भने निको हुने दर पनि बढेको छ । 

नगरपालिकाको जनस्वास्थ्य महाशाखाका अनुसार, सोमबार २१ नयाँ केस फेला परेका छन् । ९ महिला र १२ पुरुष सोमबार संक्रमित बनेका हुन् । 

सोमबार एकै दिन १०१ जनाले कोरोना परास्त गरेका छन् । अब नगरपालिकामा मात्रै ३०१ जना सक्रिय संक्रमित छन् । यीमध्ये २५७ होम आइसोलेसन र ४४ जना विभिन्न अस्पतालमा उपचाररत छन् । 

केही दिनयता कोरोनाबाट हुने मृत्युदर पनि शून्य छ । यो नगरपालिकामा हालसम्म कोरोना संक्रमणबाट ८ महिला र १३ पुरुष गरी कुल २१ जनाको मृत्यु भइसकेको छ ।