निषेधाज्ञामा बन्दीप्रत्यक्षीकरण र कोभिडसम्बन्धी रिट दर्ता हुने 

काठमाडौं । सर्वोच्च अदालतले निषेधाज्ञाको समयमा पनि बन्दीप्रत्यक्षीकरण र कोभिड–१९ महामारीसँग सम्बन्धित रिट निवेदन दर्ता गरेर सुनुवाइ गर्ने भएको छ । तर सुनुवाइका क्रममा मुद्दाका १/१ जना पक्ष र कानून व्यवसायी मात्र उपस्थित हुन पाउने छन् । 

सर्वोच्चले नेपाल बार एसोसिएसनलाई एक लेख्दै बन्दीप्रत्यक्षीकरण र कोभिड–१९ महामारीसँग सम्बन्धित अत्यन्त गम्भीर प्रकृतिका जीवन र जनस्वास्थ्यसँग सम्बन्धित रिट दर्ता गरेर सुनुवाइ हुने जनाएको छ । 

सर्वोच्चले बारलाई लेखेको पत्रअनुसार, बन्दीप्रत्यक्षीकरण र कोभिड–१९ महामारीसँग सम्बन्धित रिट निवेदन बिहान ११ बजेदेखि ३ बजेसम्म दर्ता हुनेछ । बन्दीप्रत्यक्षीकरणको निवेदन प्राथमिकतामा राखेर सोही दिन सुनुवाइ गर्ने व्यवस्था सर्वोच्चले गरेको छ । तर दिउँसो १ बजेपछि दर्ता भएका बन्दीप्रत्यक्षीकरणसम्बन्धी निवेदनमाथि भने अर्को दिन सुनुवाइ हुनेछ । 

मुद्दा सुनुवाइका क्रममा भीडभाड हुनेतर्फ विशेष चनाखो हुँदै सर्वोच्चले मुद्दाका १/१ जना पक्ष र १/१ जना कानून व्यवसायी मात्र उपस्थित हुन भनेको छ ।