जनकपुरधाम, माघ २१ \\ प्रदेश २ को पहिलो बैठकमा प्रदेशसभामा उपस्थित प्रत्येक दलका एकएक नेताले सम्बोधन गरे ।
एमालेका भने दुई प्रदेशसभा सदस्यले सम्बोधन गरे । शुरुमा सत्यनारायण मण्डलले सम्बोधन गरेभने शत्रुघन महतोले जबर्जस्ति जिद्दी गरेकाले उनलाइ पनि समय दिइयो ।
एमाले प्रदेश संसदीय दलको बैठक आइतबार विहान जनकपुरधाममा बसेको थियो ।
संसदीय दलले पूर्वमन्त्रीसमेत रहेका सप्तरीका सांसद सत्यनारायण मण्डललाइ दलको तर्फबाट प्रदेशसभामा बोल्ने तय हुँदैथियो । मण्डल पार्टीको स्थायी कमिटीका सदस्यसमेत रहेका नेता हुन् ।
शत्रुघन महतोले आफूले नबोलिनछाड्ने एकोहोरो जिद्दी गरिरहेपछि प्रदेशसभामा बोल्न एमालेले पाउने १० मिनेट समयभित्रै पर्नेगरी ५/५ मिनेट दुबै नेताले प्रदेशसभालाई सम्वोधन गर्ने निर्णय भएको एमाले स्रोतले जानकारी दियो ।
