काठमाडौं । हाँस्य कलाकारहरुले भरिपूर्ण चलचित्र ‘शत्रु गते’ को दोस्रो गीत सार्वजनिक भएको छ । पल शाह र आँचल शर्माको उत्पात क्यामेष्ट्री मिलेको गीत बुधवार युट्युब मार्फत ईन्टरनेट रिलिज गरिएको हो
गीतमा पल र आँचलले ‘पिरतीको बर्को’ ओढेका छन् ।
कालीप्रसाद बाँस्कोटाको संगीत र स्वर रहेको गीतको शब्द अर्जुन भट्टराईले लेखेका हुन् । संगीतकार तथा गायक कालीले यो गीतमा नयाँ टेस्ट दिने प्रयास गरेका छन् । भिडियोका कोरियोग्राफर प्रविन सिंह हुन् ।
फिल्ममा हरिवंश आचार्य, दीपकराज गिरी, दीपाश्री निरौला, प्रियंका कार्की, राजाराम पौडेल, शिवहरी पौडेल, मदनकृष्ण श्रेष्ठ, किरण केसी लगायतका कलाकारको पनि प्रमुख भूमिका छ ।
चलचित्र चैत ९ गतेबाट प्रदर्शनमा आउने छ ।
