नेकपाका नेता महेश बस्नेतले प्रचण्ड र माधवकुमार नेपाल समूहलाई विभाजनकारीको आरोप लगाउँदै एकतामा ल्याउन प्रधानमन्त्री केपी शर्मा ओलीलाई सुझाव दिएका छन् ।
संसद् पुनस्थापनाको केही घण्टापछि एक स्ट्याटस लेख्दै ओलीनिकट बस्नेतले यस्तो आग्रह गरेका हुन् ।
‘मुलुकलाई समीकरणको दिशाबाट एकीकरणको दिशामा फर्काउनुस्,’ बस्नेतले फेसबुकमा लेखेका छन्, ‘विभाजनकारीलाई एकता प्रक्रियामा फर्काउनुस् । पद प्रतिष्ठाका लागि मरिहत्ते गर्नेलाई सदाचारको बाटोमा हिँडाउनूस् ।’
बस्नेतले फुटबलको भाषा प्रयोग गर्दै पहिलो गोल मिस भए पनि पुनः अर्को गोल हान्न प्रधानमन्त्री ओलीलाई सुझाव दिएका छन् । तर उनले प्रधानमन्त्रीले अब चाल्नुपर्ने कदमबारे भने प्रष्ट रुपमा केही पनि बताएका छैनन् ।
