सैनिक मुख्यालय जंगीअड्डा भद्रकाली अगाडि बिहीबार बिहान बस पल्टिएको छ । दुर्घटनामा ३ जना घाइते भएका छन् । यीमध्ये चालक अचेत अवस्थामा रहेको प्रहरीले जनाएको छ । उनको वीर अस्तालतअन्तर्गतको ट्रमा सेन्टरमा उपचार भइरहेको छ ।
थानकोट–चन्द्रागिरि रुटमा चल्ने बा ३ ख ४४३७ नम्बरको बस दुर्घटनामा परेको हो ।
बस भद्रकाली पुलनजिकैको सडकमा पल्टिएको छ । सडकको बीचमा बस पल्टिएपछि केहीबेर सवारी आवागमन अवरुद्ध भए पनि अहिले सञ्चालनमा ल्याइएको छ ।
दुर्घटनाको कारण खुलेको छैन । प्रहरीले यसबारे अनुसन्धान भइरहेको जनाएको छ ।
