काठमाडौं । नेपाली युवाको एउटा परिचय बनेको छ प्रदेशिनु । घरपरिवारको खुसीका लागि प्रदेशिएका प्रदेशीहरु आफू भने कहिल्यै खुसी हुन सक्दैनन् । घर परिवारलाइ खुसी किन्न प्रदेशिएका धेरै युवाहरुको आसु र वेदना घर परिवारको यादमा बहन्छ ।
यस्तै मार्मिक कथालाइ बुनेर गायक सर्जक हरि सुनारले शब्द संगीत तथा गायक रेशम निर्दोष र गायिका सुनिता बुढा क्षत्रीको स्वरमा रहेको गीत ‘दुरी टाढाको’ सार्वजनिक भएको छ।
गीतको भिडियोले गरिबीको कारण प्रदेशमा दास बनेर स्वदेश फिर्न नपाएका युवाहरुको मर्म र परिवारप्रतिको मायालाई समावेश गरिएको छ । गीतको भिडियोलाई स्मृति तिमिल्सनाले निर्देशन गरेकी हुन्। गणेश सापकोटाको छायाँकन रहेको भिडियोमा सज्जन बोहोरा, जुना गुरुंग लगायतका कलाकारको अभिनय देख्न सकिन्छ ।
