काठमाडौं । पछिल्लो २४ घण्टामा थप ७ सय ७ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ११ हजार ८३२ नमुनाको परीक्षण गरिएको थियो । यीमध्ये ७ सय ७ जनामा कोरोना संक्रमण पुष्टि भएको हो ।
त्यस क्रममा काठमाडौंमा १७४ ललितपुरमा १८ र भक्तपुरमा ८ जना संक्रमित भएका छन् ।
यससँगै संक्रमितको संख्या २९ हजार ६४५ पुगेको छ ।
संक्रमित १ सय २६ जनाको मृत्यु भएको छ भने १७ हजार ९६४ जना निको भएका छन् । पछिल्लो २४ घण्टामा मात्र २६४ जना संक्रमित उपचारपछि डिस्चार्ज भएका छन् ।
