काठमाडौं, १७ जेठ । अन्ततः अमेरिकाले विश्व स्वास्थ्य संगठन (डब्ल्यूएचओ)संग सबै सम्बन्ध तोडेको छ । अमेरिकी राष्ट्रपति डोनाल्ड ट्रम्पले डब्ल्यूएचओसंगको सम्बन्ध तोडेको घोषणा गरेका हुन् ।
कोरोना भाइरसको महामारी फैलिनबाट रोक्न डब्ल्यूएचओ असफल भएको भन्दै उनले सम्बन्ध तोडेको घोषणा गरेका हुन् । यसअघि नै ट्रम्पले अमेरिकाले डब्ल्यूएचओलाई दिँदै आएको आर्थिक सहयोग बन्द गराएका थिए ।
ट्रम्पले डब्ल्यूएचओले चीनसंग मिलेर कोरोना अमेरिकामा फैलाउन सहयोग पुर्याएको आरोप समेत लगाएका थिए । उनले डब्ल्यूएचओ चीनको नियन्त्रणमा रहेको भन्दै सबै सम्बन्ध तोडेको बताएका हुन् ।
ट्रम्पको घोषणाको विपक्षी डेमोक्रेटिक दलले विरोध जनाएको छ । पूर्व राष्ट्रपति बाराक ओबामाले ट्रम्पले गलत कदम चालेको आरोप लगाए पनि ट्रम्पले मानेनन् । अन्ततः सम्बन्ध तोडिछाडे ।
विश्वमा ६० लाख ३४ हजार कोरोना भाइरस संक्रमित हुँदा १७ लाख ९३ हजार भन्दा बढी अमेरिकाकै हुन् । ३ लाख ६६ हजार ८९४ जनाको मृत्यु हुँदा १ लाख ४ हजार ५ सय बढी अमेरिकाकै हुन् ।
