सर्वाेच्चकाे आदेशमा रिहा भएका भट्ट र कुमाल पुन पक्राउ 

काठमाडौं । भदौ २६ गते सर्वाेच्च अदालतको  गेटबाट कपिलदेव भट्ट र योगेन्द्र कुमाललाई  प्रहरीले पुन पक्राउ गरेको छ  । सर्वाेच्चकाे आदेशमा रिहा भएका विप्लब समूहका नेताद्वयलाई कानूनकाे उपहास हुनेगरी  सरकारबाट गिरफ्तार गरिएको आरोप उनीहरुका परिवारले लगाएका छन्  ।

परिवारका अनुसार,  नेताद्वयलाई  भदौ २६ गते राति  नै उपत्यका बाहिर लगिएकाे खबर छ ।  तर, कहाँ  लगिएकाे हाे, प्रहरीले उनीहरुका परिवारलाई समेत थाहा दिएकाे छैन । पीडित परिवारले 'नागरिक अधिकार हनन् गरि बेपत्ता पार्ने काम राज्यबाट भएकाे' बताएका छन्  । 

नेता कपिलदेव भट्ट र योगेन्द्र कुमाललाई यस अघि तनहुँ  जिल्ला प्रशासन कार्यालयले  धरौटी बुझाएर रिहा गर्ने आदेश गरे लगत्तै प्रहरीले जिल्ला प्रशासन कार्यालय भित्रैबाट पुन गिरफ्तार गरेको थियो ।

सरकार/ गृह प्रशासनलाई  नेताद्वय कपिलदेव भट्ट र योगेन्द्र कुमालको  स्थिति  अबिलम्ब सार्वजनिक गर्न र   रिहा गर्न पनि परिवारजनले माग गरेका छन्  ।