काठमाण्डौ २० बैशाख । एन आई सी एशिया बैंकले मातातीर्थ औंशीको अवसरमा डिजिटल पेमेन्टहहरुमा क्यासब्याक योजनाहरु सार्वजनिक गरेको छ ।
उक्त योजनाहरुमा बैंकका ग्राहकहरुले बैंकको डेबिट कार्ड, क्रेडिट कार्ड,अनलाइन बैकिङ्ग तथा मोबाइलÞ बैकिङ्ग मार्फत भुक्तानी गर्दा १० प्रतिसत वा अधिकतम रु. १००० सम्मको क्यास ब्याक प्राप्त गर्न सकिने जनाएको छ ।
बैंकले प्रेस विज्ञप्ती जारी गर्दै अनलाइन पेमेन्टबाट भुक्तानी गर्दा तथा बैंकको क्यूआर पेमेन्टबाट भुक्तानी गर्दा कारोबार रकमको १० प्रतिसत वा उच्चतम रु. १००० सम्मको क्यासब्याक र पिओएसबाट भुक्तानी गर्दा १० प्रतिसत वा उच्चतम रु. ५०० सम्मको क्यासब्याकको सुविधा रहेको जानकारी गराएको छ ।
यो योजना यही बैशाख २० गते र मातातीर्थ औंशीको दिन बैशाख २१ गतेको लागि मात्र लागू हुने विज्ञप्तीमा उल्लेख छ ।
यो योजनाबाट बैंकका ग्राहकहरु लाभान्वित हुने विश्वास बैंकले लिएको छ । डिजिटल बैंकिङ्गमा अग्रणी स्थान हासिल गरेको यस बैंकले आगामी दिनहरुमा यस्तै खालको विभिन्न सेवाहरु ल्याउने योजना राखेको बताएको छ ।
