हेटौँडा, १६ चैत : प्रदेश ३ सरकारको मन्त्रिपरिषद्ले प्रदेश नीति तथा योजना आयोगमा दुई सदस्य थप गरेको छ ।
मुख्यमन्त्री डोरमणि पौडेललकोअध्यक्षतामा चैत १५ गते बसेको मन्त्रिपरिषद् बैठकले डा रेणु राजभण्डारी र डा रामचन्द्र ढकाललाई सदस्यमा नियुक्त गरेको हो । उनीहरुको नियुक्तिसँगै अब प्रदेश नीति तथा योजना आयोग चार सदस्यीय बनेको छ ।
डा खिमलाल देवकोटा उपाध्यक्ष रहेको आयोगमा यसअघि उपाध्यक्षबाहेक श्याम बस्नेत एक जना मात्र सदस्य रहेका थिए । मुख्यमन्त्री नै अध्यक्ष रहने सो आयोगमा मुख्यमन्त्रीबाहेक पाँच जना रहनुपर्ने प्रावधान भएकाले थप एक जना नियुक्त गरिने आयोगका उपाध्यक्ष देवकोटाले जानकारी दिए ।
(रासस)
–––
