काठमाडौं, ८ चैत : पूर्वी चीनमा केमिकल विस्फोट हुँदा ४७ जनाको मृत्यु भएको छ भने ६ सय ४० जना घाइते भएका छन् ।
उक्त विस्फोट येनचांग शहरको तियानजियाई केमिलक उद्योगमा भएको हो, जहाँ उर्बरक उत्पादनको काम गरिन्छ । धमाकापछि उद्योगमा आगलागी भएको अधिकारीहरुले जनाएका छन् ।
चीनको भूकम्प प्रशासनले विस्फोटको समय २.२ तीव्रताको भूकम्प आएको पनि बताएको छ । चिनीया सरकारी टेलिभिजनले उद्योगमा लागेको आगो शुक्रबा नियन्त्रणमा लिइएको जनायो ।
करिब ६ सय ४० घाइते भएकाहरुलाई अस्पतालमा भर्ना गरिएको छ । जसमध्ये ३२ जना गम्भीर हालतमा छन् भने ५८ जना नराम्रोसँग घाइते भएका छन् ।
चीनमा प्रायशः खराब सुरक्षा मानकको कारण उद्योगमा आगलागी र खानाको कारण पनि यस्ता घटना घट्ने गरेका छन् ।
सन् २०१८ नोभेम्बरमा उत्तरी जांगजियाको केमिकल लैजाँदै गरेको गाडीमा विस्फोट हुँदा २२ को मृत्यु भएको थियो भने झण्डै २ दर्जन व्यक्ति घाइते भएका थिए । (एजेन्सी)
