भक्तपुर, ९ चैत । वरिष्ठ पत्रकार माथवरसिंह बस्नेतको आज निधन भएको छ ।
आज बिहान हृदयाघातबाट ७९ वर्षको उमेरमा निधन भएको परिवारजनले जनाएको छ ।
भक्तपुरको सूर्यविनायक नगरपालिका–८ निवासी बस्नेतलाई बिहीबार राति घरमै हृदयाघात भएपछि काठमाडौँस्थित अन्नपूर्ण न्युरो अस्पताल भर्ना गरिएको थियो । उनको भेन्टिलेटरमा राखेर उपचार भइरहेकै अवस्थामा निधन भएको जनाइएको छ ।
पुर्नजागरण साप्ताहिकका संस्थापक सम्पादक बस्नेत रासस र गोरखापत्र संस्थान तथा प्रेस काउन्सिल नेपालका पूर्वअध्यक्ष समेत हुन् । गणेशमान सिंहसँग नजिक भएर लामो समय राजनीतिमा सक्रिए रहेका उनी हाल गणेशमान सिंह स्मृति बाटिकाका समेत अध्यक्षको जिम्मेवारीमा पनि रहेका थिए ।
