लहान, ११ माघ : पूर्व-पश्चिम राजमार्ग अन्तर्गत सिरहाको कर्जन्हा नगरपालिकामा यात्रुवाहक बस दुर्घटना हुँदा १ को मृत्यु भएको छ ने २० भन्दा बढी घाइते भएका छन् ।
राजविराजबाट जनकपुरतर्प हिँडेको ना ५ ख २५८८ नम्बरको बस अनियन्त्रित भई दुर्घटना हुँदा पर्सा गढीमाई नगरपालिका-४ निवासी ३५ वर्षीय दीपराज यादवको मृत्यु भएको प्रहरी कार्यालय मिर्चैयाले जनाएको छ । तीव्र गतिका कारण बसको स्टिरिङले काम नगरेपछि बस दुर्घटना भएको बसमा सवार एक यात्रुले बताए ।
घाइतेहरुको कर्जन्हास्थित फूलकुमारी मेमोरियल अस्पतालमा उपचार भइरहेको प्रहरीले जनाएको छ । त्यस्तै गम्भीर घाइते भएका एकलाई उपचारका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको छ । (रासस)
