ब्रश गर्दा यी कुराहरुलाई ध्यान दिनैपर्छ-

काठमाडौं, ८ माघ : दिनको सुरुवातमा हाम्रो सबैभन्दा पहिलो काम भनेको दाँत ब्रश गर्नु हो । सबैलाई चाहा हुन्छ कि आफ्नो दाँत सफा र स्वस्थ होस् ।

हरेक दिन दाँत ब्रश गर्दा पनि धेरै मानिसहरुको दाँत स्वस्थ हुँदैन । धेरै मानिसहरु यस्ता छन्, जसलाई दाँत ब्रश गर्ने तरिका नै थाहा छैन । कतिपय मानिसहरु दाँत ब्रश गर्नु भन्दा पहिले टूथब्रश गिलो पार्ने (भिजाउने) गर्दछन् भने कतिपय टूथपेस्ट राखिसकेपछि ब्रशलाई भिजाउने गर्दछन् । 

सामाजिक सञ्जालमा यो विषयलाई लिएर बहश चलेको छ कि ब्रश कतिखेर भिजाइन्छ । यस बारेमा विशेषज्ञहरु के भन्छन् त ? 

दन्त विशेषज्ञ ल्यूक थोर्लेले मेट्रो यूकेसँग कुरा गर्दै टूथब्रशलाई कहिल्यै पनि भिजाउन नहुने बताएका छन् । उनका अनुसार, ब्रशलाई गिलो पार्र्दा भिजाउँदा) टुथपेस्टको असर कम हुने गर्दछ । 

यही सम्बन्धमा दन्त विशेषज्ञ डाक्टर राहा सेपे भन्छन्, यदि तपाईंलाई ब्रश गिलो पार्न (भिजाउन) मनपर्छ भने हल्का मात्र भिजाउनुहोस् तर पूरै गिलो नपार्नुहोस् । उनका अनुसार, धेरै पातलो टूथपेस्टले ब्रशिंग दक्षता कम हुन्छ र यो दाँतको लागि पनि राम्रो कुरा होइन । 

कतिपय मानिसहरु ब्रश गरिसकेपछि राम्रोसँग कुल्ला गर्दैनन् । यदि मुखबाट राम्रोसँग टूथपेस्ट गएन भने यसले दाँतमा नोक्सान पुर्याउने काम गर्छ । दन्त विशेषज्ञ फेरि भन्छन्, ब्रश गरेपछि राम्रोसँग पानीले कुल्ला गर्नुपर्छ र टूथपेस्टको अवशेष मुखमा नरहोस् । 

धेरै मानिसहरु टूथब्रशमा लागेको ब्याक्टेरिया निकाल्नको लागि ब्रश गिलो पार्ने (भिजाउने) गर्दछन् । तर यसको उत्तम विकल्प भनेको ब्रशमा कभर (खोल) राख्न सकिन्छ र कभर समयसमयमा बदल्नुपर्छ ।