काठमाडौं, पौष २५ । सर्वोत्तम सिमेन्टले १० प्रतिशत लाभांश दिंदैछ । कम्पनीले उक्त लाभांश पौष २६ गते अर्थात भोली साधारण सभामा वितरण गर्नेछ । सभा, होटल भिलासा, भैरहवा रुपेन्देहीमा बिहान ११ बजे सुरु हुनेछ ।
कम्पनीले गत वर्षको मुनाफाबाट सेयरधनीलाई ७ प्रतिशत बोनस सेयर र ३ प्रतिशत नगद लाभांश वितरण गर्न लागेको हो । यो प्रस्ताव अब आगामी साधारण सभाले पारित गरेपछि कार्यान्वयनमा आउनेछ ।
लाभांश वितरणसहितका एजेन्डाहरु पारित गर्न कम्पनीले भोलि शुक्रबार पौष २६ गते साधारण सभा बोलाएको छ ।
साधारण सभा र लाभांश वितरण प्रयोजनका लागि कम्पनीले पौष १२ गते बुक क्लोज गरिसकेको छ । यसर्थ, पौष ११ गतेसम्म कायम रहेका सेयरधनीले लाभांश प्राप्त गर्न सक्नेछन् ।
