काठमाडाैं । २०८१ मंसिर २५ गते UNITED NATIONS MULTIDIMENTIONAL INTEGRATED STABILIZATION MISSION IN THE CENTRAL AFRICAN REPUBLIC (MINUSCA) मा तैनाथ Light Infantry Battalion (LIB) अन्तर्गत महावीर गण (रेञ्जर) (शान्ति सेना) दोश्रो डफ्फालाई बदली गर्नको लागि युद्धभैरव गण (शान्ति सेना) तेश्रो डफ्फाका २२५ जना नेपाली शान्ति सैनिकहरुको पहिलो टोली, प्रमुख सेनानी प्रमोद कुमार शर्माको नेतृत्वमा संयुक्त राष्ट्रसंघको चार्टड बिमानद्वारा मिसन इलाकातर्फ प्रस्थान गरेकाे नेपाली सेनाले बताएकाे छ ।
![](\"https://sanghunews.com/uploads/news/images/UN%20M%20.JPG\")
सेनाका अनुसार, यसअघि सोही मिसनमा आफ्नो कार्यकाल सम्पन्न गरी दोश्रो डफ्फामा कार्यरत २२५ जना शान्ति सैनिकहरू सेनानी हरी कुमार पाण्डेको नेतृत्वमा २०८१ मंसिर २५ गते नै स्वदेश फिर्ता भएका थिए ।
हाल उक्त UNITED NATIONS MULTIDIMENTIONAL INTEGRATED STABILIZATION MISSION IN THE CENTRAL AFRICAN REPUBLIC (MINUSCA) मिसनमा नेपाली सेनाका १२४४ जना शान्ति सैनिकहरु कार्यरत रहेकाे जानकारी नेपाली सेनाले दिएकाे छ ।
