मोरङ, फाल्गुन ७ गते । मोरङको मिक्लाजुङ गाउँपालिका-६ स्थितमा रुखवाट लडी १ जना महिलाको मृत्यु भएको छ । मृत्यु हुनेमा मिक्लाजुङ गाउँपालिका-६ का मान बहादुर मगरकी श्रीमती ४६ बर्षीया बुद्धमाया मगर रहेकी छिन ।
हिजो बिहान साढे ११ बजे आफ्नै बारीमा रहेको टाँकीको रुखमा चढी घाँस काट्ने क्रममा रुखबाट लडेर घाईते भएकी बुद्धमायाको उपचारको क्रममा बिराटनगर स्थित बिराट नर्सिङ होम अस्पतालमा मृत्यु भएको हो । यस घटनाका सम्वन्धमा इलाका प्रहरी कार्यालय मधुमल्लाबाट थप अनुसन्धान भईरहेको समाचार छ ।
भिरबाट लडी महिलाको मृत्यु
ओखलढुंगा, फाल्गुन ७ गते । ओखलढुंगाको मोलुङ गाउँपालिका-४ स्थित भिरबाट लडी १ जना महिलाको मृत्यु भएको छ । मृत्यु हुनेमा मोलुङ-४ घले गाउँका ईन्द्र सुनुवारकी श्रीमती ३८ बर्षीया मिना सुनुवार रहेकी छिन ।
हिजो बेलुकी पौने ४ बजे गुठी पाताल जंगलबाट घाँस काटी घरतर्फ फर्किंदै गर्दा भिरबाट लडेर घाईते भएकी सुनुवारलाई तत्काल उपचारको लागि मिसन अस्पताल ओखलढुंगा लगिएकोमा निजको उपचारको क्रममा राति पौने ९ बजे मृत्यु भएको प्रहरीले बताएकाे छ । यस घटनाका सम्वन्धमा जिल्ला प्रहरी कार्यालय ओखलढुंगाबाट थप अनुसन्धान भईरहेको प्रहरीले जानकारी दिएकाे छ ।
