काठमाडौं, २०८३ वैशाख १३ । नेपाल प्रहरीका प्रहरी महानिरीक्षक (आईजीपी) दानबहादुर कार्कीले मनोहरा खोलाकिनारस्थित सुकुम्बासी बस्तीको स्थलगत अनुगमन गरेका छन्।
वैशाख १३ गते आइतबार गरिएको अनुगमनका क्रममा आईजीपी कार्कीले सुरक्षा अवस्था, बस्ती हटाउने कार्य र सम्भावित संवेदनशीलतालाई ध्यानमा राख्दै खटिएका सुरक्षाकर्मीलाई आवश्यक निर्देशन दिएका हुन्। हाल उक्त क्षेत्रमा बस्ती व्यवस्थापन तथा खाली गराउने काम चलिरहेको छ।
अनुगमनका क्रममा नेपाल प्रहरी र सशस्त्र प्रहरी बलको उल्लेख्य उपस्थिति देखिएको थियो। कुनै अप्रिय घटना नहोस् भन्ने उद्देश्यले सुरक्षा व्यवस्था कडा पारिएको प्रहरीले जनाएको छ।
प्रहरीले शान्ति–सुरक्षा कायम राख्दै कानुन कार्यान्वयनमा कडाइ गर्ने जनाएको छ भने स्थानीय बासिन्दालाई संयमित रहन आग्रह गरिएको छ।
