काठमाडौं, माघ ३ \\ आज बुधबार बिहान बसेको मन्त्रिपरिषद बैठकले पनि प्रदेशका अस्थायी केन्द्र तोक्न र प्रदेशप्रमुख नियुक्त गर्न सकेन।
यही निर्णय गर्नकै लागि मन्त्रिपरिषदको बैठक आजै अपरान्ह ३ वजे बस्ने भएको छ।
यति निर्णय गर्नकै लागि मन्त्रिपरिषदको बैठक बोलाउँदै, स्थगित गर्दै र बैठक बसेर पनि निर्णय नगरेको समेत् ३ पटक भैसक्यो।
यही निर्णय गर्नकै लागि भनेर हिजो मङ्गलबार बिहान बैठक बोलाइएको थियो, त्यो बैठक हिजो अपरान्ह ४ वजेको लागि सारिएको थियो। ४ वजे पनि बैठक स्थगित गरेर आज बिहानलाइ सारिएको थियो।
आज बिहान बैठक बसेपनि बैठकले निर्णय गर्न सकेन।
