काठमाडौं । आगामी जुलाई २ तारिखदेखि मलेसियामा आयोजना हुने एसीसी यू १९ इस्टर्न रिजन क्रिकेटका लागि नेपाली टोलीको घोषणा भएको छ । प्रतियोगिताको लागि चार नयाँ अनुहारसहित रोहित कुमार पौडेलको कप्तानीमा १४ सदस्यीय टिमको घोषणा गरिएको हो ।
खड्क बोहोरा, तिलक भण्डारी, विशाल बिक्रम केसी र लोकेश बमले पहिलो पटक टिममा स्थान बनाएका हुन् । अन्य खेलाडीहरुमा रित गौतम, पवन सर्राफ, भीम सार्की,
कुशल मल्ल, रशिद खान, कमल सिंह ऐरी, सागर ढकाल, हरिबहादुर चौहान र प्रतिष जिसी रहेका छन् ।
प्रतियोगिताको समूह ए मा रहको नेपालले पहिलो खेलमा जुलाई २ मा म्यानमारसंग खेल्नेछ । दोस्रो खेलमा जुलाई ५ मा सिंगापुर र अन्तिम खेलमा जुलाई ६ मा चीनसंग खेल्नेछ ।
अर्को समूहमा आयोजक मलेसिया, भुटान, हङकङ र थाईल्याण्ड रहेका छन् । समूहका शीर्ष दुई टोलीले सेमिफाइनलमा स्थान बनाउने छन् ।
