बैतडी, ४ फागुन । बैतडीमा रुखले च्यापिएर एक किशोरको मृत्यु भएको छ ।
प्रहरीका अनुसार शुक्रवार पाटन नगरपालिका–५ अड्तोलाका १९ वर्षीय प्रकाश पाण्डेयको आफैँले काट्दै गरेको सल्लाको रुखले च्यापिएर मृत्यु भएको हो ।
घर नजिकैको जङ्गलमा सल्लाको रुख काटिरहेका पाण्डेय रुख ढल्दा च्यापिएर गम्भीर घाइते भएका थिए । उनको पाटन प्राथमिक स्वास्थ्य केन्द्रमा उपचारको क्रममा मृत्यु भएको जिल्ला प्रहरी कार्यालय बैतडीले जनाएको छ ।
