विराटनगर । प्राज्ञिक विद्यार्थी परिषद् नेपालले सदस्यता अभियान सुरु गरेको छ । परिषद्ले पौष १आइतबारबाट कोशी प्रदेशसहित देशभरी नै सदस्यता वितरण अभियान सुरु गरेको हो ।
पुस १ देखि सुरु भएको सदस्यता वितरण अभियान पुस ११ गतेसम्म संचालन हुने छ । विराटनगरमा नेशनल एकेडेमीबाट सदस्यता वितरण अभियानको शुभारम्भ गरिएको थियो ।
दोस्रो दिन पूर्वाञ्चल विश्वविद्यालय स्कुल अफ म्यानेजमेन्ट र महेन्द्र मोरङ आदर्श बहुमुखी क्याम्पसका विद्यार्थीहरूलाई सदस्यता वितरण गरिएको कोशी प्रदेश संगठन सचिव छितराज न्यौपानेले जानकारी दिए ।
यस्तै, धनकुटा स्थित दृष्टि एकेडेमी र धनकुटा बहुमुखी क्याम्पसका विद्यार्थीहरूलाई सदस्यता वितरण गरिएको उनले जानकारी दिए ।
११ गतेसम्ममा देशका सबै जिल्लाका क्याम्पसहरूमा सदस्यता वितरण गरिने परिषद्ले जनाएको छ ।
परिषद्ले शिक्षाक्षेत्रलाई दलीय राजनीतिक मुक्त क्षेत्र बनाउन, विद्यार्थीलाई समग्र विकासका लागि विविध रचनात्मक गतिविधिसँग जोडिन, राष्ट्र प्रथम भावको विचारसँग आवद्ध रहन र विद्यार्थी शक्तिलाई राष्ट्र शक्तिको रूपमा सदुपयोग गर्न अभियानलाई गति दिएको जनाएको छ ।
